மன்னாரில் வெள்ளத்தினால் பாதிக்கப்பட்ட மக்களுக்கு றிஷாட் பதியுதீன் எம்.பி நிவாரணங்கள் வழங்கிவைப்பு

மன்னாரில் வெள்ளத்தினால் பாதிக்கப்பட்ட மக்களுக்கு றிஷாட் பதியுதீன் எம்.பி நிவாரணங்கள் வழங்கிவைப்பு!

மன்னார்: அண்மைய வெள்ள அனர்த்தத்தினால் பாதிக்கப்பட்டு, தற்போது மீளவும் தமது வீடுகளுக்குத் திரும்பி வரும் மன்னார் மாவட்ட மக்களுக்குத் தேவையான அத்தியாவசிய உலர் உணவுப் பொருட்கள் மற்றும் நிவாரணப் பொதிகள் நேற்று (09) வழங்கி வைக்கப்பட்டன.

தமிழ் வியூகம்,மன்னார் ,செய்தியாளர் 

அகில இலங்கை மக்கள் காங்கிரஸின் தலைவரும், வன்னி மாவட்ட நாடாளுமன்ற உறுப்பினருமான றிஷாட் பதியுதீன் அவர்களின் ஏற்பாட்டில் இந்த நிவாரணப் பணிகள் முன்னெடுக்கப்பட்டன.

நிவாரணம் வழங்கப்பட்ட பகுதிகள்

வெள்ளத்தினால் கடுமையாகப் பாதிக்கப்பட்டிருந்த மன்னார் நகரின் பல்வேறு பகுதிகளில் மக்கள் தமது வீடுகளுக்குத் திரும்புவதற்கு அடிப்படைத் தேவையான பொருட்கள் இதன்போது கையளிக்கப்பட்டன:

• உப்புக்குளம்

• கொந்தைப்பிட்டி

• ஜென்னத் நகர்

நிவாரணப் பொருட்களைப் பெற்றுக்கொண்ட மக்கள், இந்த இக்கட்டான சூழலில் தமக்கு வழங்கப்பட்ட உதவிக்குத் தமது நன்றிகளைத் தெரிவித்துக் கொண்டனர்.

அறுவை குண்டு மக்களுக்கும் உதவி

மன்னார் நகரப் பகுதிகள் மட்டுமன்றி, வெள்ள அனர்த்தத்தினால் பாதிக்கப்பட்ட நானாட்டான் - அறுவை குண்டு பகுதி மக்களுக்கும் நாடாளுமன்ற உறுப்பினர் ரிஷாட் பதியுதீன் அத்தியாவசியப் பொருட்களை நேரில் சென்று வழங்கி வைத்தார். பாதிக்கப்பட்ட மக்களின் தேவைகளைக் கேட்டறிந்த அவர், அவர்களது வாழ்வாதாரத்தை மீளக் கட்டியெழுப்ப உரிய நடவடிக்கைகள் எடுக்கப்படும் என உறுதியளித்தார்.

இலங்கை கடற்பரப்பில் அத்துமீறி நுழைந்த இந்திய மீனவர்களுக்கு மன்னார் நீதி மன்றத்தின் தீர்ப்பு

கலந்துகொண்ட முக்கியஸ்தர்கள்

இந்த நிவாரணப் பணிகள் அந்தந்தப் பிரதேசங்களின் மதஸ்தலங்களின் நம்பிக்கையாளர் சபை உறுப்பினர்கள் மற்றும் அகில இலங்கை மக்கள் காங்கிரஸின் முன்னாள் பிரதேச சபை உறுப்பினர்களின் ஒருங்கிணைப்பில் இடம்பெற்றன. இதில் கட்சியின் முக்கியஸ்தர்கள் மற்றும் ஊர் முக்கியஸ்தர்கள் எனப் பலரும் கலந்துகொண்டனர்.

@tamilviyugam