கிளீன் சிறீ லங்கா மன்னார் மாவட்டச் செயலகத்தில் இடம்பெற்ற நடமாடும் மக்கள் சேவை.

கிளீன் சிறீ லங்கா மன்னார் மாவட்டச் செயலகத்தில் இடம்பெற்ற நடமாடும் மக்கள் சேவை.

மன்னார்: அரசாங்கத்தின் தேசிய வேலைத்திட்டமான 'கிளீன் ஸ்ரீலங்கா' (Clean Sri Lanka) திட்டத்தின் கீழ், மன்னார் மாவட்ட மக்களுக்கான விசேட நடமாடும் சேவை இன்று திங்கட்கிழமை (29) மாவட்டச் செயலகத்தில் மிகப்பாரிய அளவில் நடைபெற்றது.

தமிழ் வியூகம்,மன்னார், செய்தியாளர், 

மன்னார் மாவட்ட அரசாங்க அதிபர் க.கனகேஸ்வரன் தலைமையில் நடைபெற்ற இந்நிகழ்வில், ஒரே கூரையின் கீழ் மக்களுக்குத் தேவையான பல்வேறு அத்தியாவசியச் சேவைகள் வழங்கி வைக்கப்பட்டன.

முக்கிய பிரமுகர்கள் பங்கேற்பு

இந்நிகழ்வில் கௌரவ விருந்தினர்களாகப் பிரதி அமைச்சர் உபாலி சமரசிங்க, நாடாளுமன்ற உறுப்பினர்களான ஜெகதீஸ்வரன், திலகநாதன் மற்றும் மன்னார் நகர முதல்வர் டானியல் வசந்தன் ஆகியோர் கலந்துகொண்டனர். இவர்களுடன் முப்படைகளின் அதிகாரிகள் மற்றும் திணைக்களத் தலைவர்களும் பங்கேற்றுச் சிறப்பித்தனர்.

விழிப்புணர்வு மற்றும் சமூக மேம்பாடு

நிகழ்வின் ஆரம்பத்தில், ஒரு தூய்மையான மற்றும் ஒழுக்கமான சமூகத்தைக் கட்டியெழுப்பும் நோக்கில் பின்வரும் விழிப்புணர்வு நடவடிக்கைகள் முன்னெடுக்கப்பட்டன:

• தேசிய ஊழல் எதிர்ப்பு நடவடிக்கைகள் குறித்த தெளிவூட்டல்.

• போதைப்பொருள் ஒழிப்பு மற்றும் பிரஜா சக்தி விழிப்புணர்வு.

99 குடும்பங்களுக்குக் காணி உறுதிப்பத்திரங்கள்

நீண்டகாலமாகக் காணி அனுமதிப்பத்திரம் இன்றித் தவித்த மக்களுக்கு 'ஹிம்கம' திட்டத்தின் கீழ் தீர்வு வழங்கப்பட்டது. மாந்தை மேற்கு, நானாட்டான் மற்றும் மன்னார் பிரதேச செயலாளர் பிரிவுகளைச் சேர்ந்த 99 தகுதியுள்ள குடும்பங்களுக்கு, அவர்களது காணிகளுக்கான பூரண அனுமதிப்பத்திரங்கள் வைபவ ரீதியாகக் கையளிக்கப்பட்டன.

மன்னாரில் 8 வயது சி-று-மி து-ஷ்-பிரயோக குற்றவாளிக்கு கடூழிய சிறைத்தண்டனை

இயற்கை அனர்த்த இழப்பீடுகள் வழங்கல்

சமீபத்திய 'டித்வா' சூறாவளி மற்றும் வெள்ளப் பெருக்கினால் வாழ்வாதாரத்தை இழந்தவர்களுக்கு அரசாங்கத்தின் நஷ்டஈடு கொடுப்பனவுகள் வழங்கப்பட்டன:

1. கால்நடை வளர்ப்பாளர்கள்: 10 பேருக்கு இழப்பீடு.

2. விவசாயச் செய்கையாளர்கள்: 09 பேருக்கு இழப்பீடு.

3. மேட்டுநிலப் பயிர்ச் செய்கையாளர்கள்: 11 பேருக்கு இழப்பீடு.

ஒரே இடத்தில் அனைத்துச் சேவைகளும்!

பொதுமக்களின் நலன் கருதி மேலும் பல சேவைகள் இதன்போது முன்னெடுக்கப்பட்டன:

• ஆவணப் பதிவு: இதுவரை பிறப்பு மற்றும் இறப்புச் சான்றிதழ்களைப் பெறாதவர்களுக்கான உடனடிப் பதிவு நடவடிக்கைகள்.

• சுகாதாரச் சேவை: ஒரு பாரிய இரத்ததான முகாம் ஏற்பாடு செய்யப்பட்டிருந்தது, இதில் ஏராளமான இளைஞர்களும் பொதுமக்களும் ஆர்வத்துடன் கலந்துகொண்டனர்.

இந்த நடமாடும் சேவையின் மூலம் மன்னார் மாவட்டத்தைச் சேர்ந்த பல நூற்றுக்கணக்கான பொதுமக்கள் தமது நீண்டகாலத் தேவைகளை எவ்வித அலைச்சலுமின்றிப் பூர்த்தி செய்துகொண்டமை குறிப்பிடத்தக்கது.