ஜனாதிபதி அனுர குமார திஸநாயக்க அவர்களுக்கு மன்னார் மீனவ மக்கள் நன்றி தெரிவிப்பு

மன்னார்: அண்மையில் வீசிய கடும் புயல் மற்றும் வெள்ளத்தினால் வாழ்வாதாரத்தை இழந்த மன்னார் மாவட்ட மீனவர்களுக்கு, ஜனாதிபதி அநுரகுமார திஸாநாயக்கவ...

மன்னார்: அண்மையில் வீசிய கடும் புயல் மற்றும் வெள்ளத்தினால் வாழ்வாதாரத்தை இழந்த மன்னார் மாவட்ட மீனவர்களுக்கு, ஜனாதிபதி அநுரகுமார திஸாநாயக்கவின் நேரடிப் பணிப்புரைக்கமைய முதற்கட்ட நிவாரண உதவிகளுக்கான தரவு சேகரிப்புப் பணிகள் இன்று (31) ஞாயிற்றுக்கிழமை உத்தியோகபூர்வமாக ஆரம்பிக்கப்பட்டுள்ளன.

தமிழ் வியூகம், மன்னார், செய்தியாளர் 

நீண்டகாலமாகத் தமது துயரங்களைக் கேட்டு யாரும் வரவில்லை என ஏங்கியிருந்த மீனவ மக்களுக்கு, ஜனாதிபதியின் இந்தத் துரித நடவடிக்கை பெரும் ஆறுதலை அளித்துள்ளது.

மாவட்ட ஒருங்கிணைப்புக் கூட்டமும் ஜனாதிபதியின் வருகையும்

மன்னார் மாவட்டத்தில் புயலினால் ஏற்பட்ட பாதிப்புகள் குறித்து ஆராயும் விசேட மாவட்ட ஒருங்கிணைப்புக் குழுக் கூட்டம் நேற்று சனிக்கிழமை மாவட்டச் செயலகத்தில் நடைபெற்றது.

• ஜனாதிபதி பங்கேற்பு: இக்கூட்டத்தில் ஜனாதிபதி அநுரகுமார திஸாநாயக்க நேரடியாகக் கலந்துகொண்டு, மீனவர்களின் படகுகள், மீன்பிடி உபகரணங்கள் மற்றும் வீடுகளுக்கு ஏற்பட்டுள்ள சேதங்கள் குறித்து விரிவாகக் கேட்டறிந்தார்.

• உடனடி உத்தரவு: பாதிக்கப்பட்ட மீனவர்களின் நிலைமையைக் கருத்திற் கொண்டு, அவர்களுக்குத் தேவையான முதற்கட்ட நிவாரணங்கள் மற்றும் வாழ்வாதாரக் கொடுப்பனவுகளை எவ்வித தாமதமுமின்றி வழங்க அதிகாரிகளுக்கு ஜனாதிபதி பணிப்புரை விடுத்தார்.

பனங்கட்டுகொட்டில் ஆரம்பமான பதிவுப் பணிகள்

ஜனாதிபதியின் உத்தரவைத் தொடர்ந்து, இன்று ஞாயிற்றுக்கிழமை காலை முதலே பாதிக்கப்பட்ட மீனவக் கிராமங்களில் அதிகாரிகள் களமிறங்கியுள்ளனர்.

புதிதாக திருமண பந்தத்தில் நுழைய இருக்கும் ஆண் பெண்களுக்கு முக்கியமான ஆலோசனைகள்

• நேரடிப் பதிவு: மன்னார் பனங்கட்டுகொட்டு பகுதியில் புயலால் பாதிக்கப்பட்ட மீனவர்களின் தரவுகளைப் பதிவு செய்யும் பணிகள் தீவிரமாக முன்னெடுக்கப்பட்டு வருகின்றன.

• மக்களின் நன்றி: தமக்குக் கிடைக்கவுள்ள இந்த நிவாரண உதவிக்காக ஜனாதிபதி அநுரகுமார திஸாநாயக்க மற்றும் கடற்தொழில் அமைச்சர் ராமலிங்கம் சந்திரசேகரன் ஆகியோருக்கு மீனவ மக்கள் தமது மனமார்ந்த நன்றிகளைத் தெரிவித்துள்ளனர்.

தொடர் போராட்டத்திற்கு கிடைத்த வெற்றி

மீனவர்களுக்கான இந்த நிவாரணங்கள் கிடைப்பதற்கு, புயல் பாதிப்பு ஏற்பட்ட காலம் முதல் வடமாகாண கடற்றொழிலாளர் இணையத்தின் செயலாளர் என்.எம். ஆலம் மற்றும் பல மீனவப் பிரதிநிதிகள் தொடர்ச்சியாகக் குரல் கொடுத்து வந்தனர். அதிகாரிகளுக்கும் அரசாங்கத்திற்கும் அவர்கள் வழங்கிய அழுத்தங்களின் பலனாகவே இன்று இந்த நிவாரணப் பணிகள் சாத்தியமாகியுள்ளன

@tamilviyugam