இலங்கையின் 78வது சுதந்திர தினம்: கொழும்பில் இன்று முதல் விசேட போக்குவரத்து மாற்றம் - விபரங்கள்

கொழும்பு: இலங்கையின் 78 ஆவது சுதந்திர தின விழா எதிர்வரும் பெப்ரவரி 4 ஆம் திகதி கொழும்பு சுதந்திர சதுக்கத்தில் வெகுவிமர்சையாக நடைபெறவுள்ளது. இதனை முன்னிட்டு, கொழும்பின் முக்கிய பகுதிகளில் இன்று முதல் விசேட போக்குவரத்துத் திட்டம் அமுல்படுத்தப்பட்டுள்ளதாகப் பொலிஸ் ஊடகப்பிரிவு அறிவித்துள்ளது.

ஒத்திகை மற்றும் போக்குவரத்து நேரங்கள்

சுதந்திர தின நிகழ்வுக்கான ஒத்திகை நடவடிக்கைகள் இன்று முதல் ஆரம்பமாகின்றன. இதன்படி போக்குவரத்து மாற்றங்கள் பின்வரும் நேரங்களில் நடைமுறையில் இருக்கும்:

ஜனவரி 30, 31 மற்றும் பெப்ரவரி 2: காலை 7.45 மணி முதல் பிற்பகல் 1.30 மணி வரை.

பெப்ரவரி 1: அதிகாலை 5.00 மணி முதல் பிற்பகல் 1.30 மணி வரை.

பெப்ரவரி 4 (சுதந்திர தினம்): அதிகாலை 3.00 மணி முதல் விழா நிறைவடையும் வரை போக்குவரத்து முற்றாகத் தடைப்படும்.

தடைசெய்யப்பட்டுள்ள பிரதான வீதிகள்

சுதந்திர சதுக்கத்தை அண்மித்த பல முக்கிய வீதிகளுக்கு வாகனங்கள் நுழைவது இந்த காலப்பகுதியில் தடை செய்யப்பட்டுள்ளது. அதன்படி:

1.சுதந்திர மாவத்தை

2.ஸ்டான்லி விஜேசுந்தர மாவத்தை

3.பௌத்தாலோக மாவத்தையிலிருந்து பிரேமகீர்த்தி டி அல்விஸ் மாவத்தை நோக்கிய பகுதி

கிளீன் சிறீ லங்கா மன்னார் மாவட்டச் செயலகத்தில் இடம்பெற்ற நடமாடும் மக்கள் சேவை.

மெயிட்லண்ட் மாவத்தை மற்றும் விஜேராம மாவத்தை

மேலும், சுதந்திர தினத்தன்று அதிகாலை முதல் ஹோர்டன் சுற்றுவட்டம், தர்மபால மாவத்தை, கண்ணங்கர மாவத்தை மற்றும் ஆர்.ஜி. சேனநாயக்க மாவத்தை உள்ளிட்ட வீதிகளிலும் போக்குவரத்து மட்டுப்படுத்தப்படும்.

பொதுமக்களுக்கான அறிவுறுத்தல்

குறித்த வீதிகளில் வசிப்பவர்கள் மற்றும் அலுவலகங்களுக்குச் செல்வோர் தமது அடையாளத்தை உறுதிப்படுத்தி, கடமைகளுக்குத் தடையின்றிச் செல்வதற்கான விசேட வசதிகளைப் பொலிஸார் மேற்கொண்டுள்ளனர். வாகனச் சாரதிகள் மாற்று வழிகளைப் பயன்படுத்துவதன் மூலம் அசௌகரியங்களைத் தவிர்க்குமாறு கேட்டுக்கொள்ளப்படுகிறார்கள்.