மட்டக்களப்பு ஏராவூர் பகுதி இளைஞர்கள் இருவர் விபத்தில் சிக்கி பரிதாபமாக உயிரிழந்துள்ளனர்

மட்டக்களப்பு ஏறாவூரில் கோர விபத்து: இரண்டு இளைஞர்கள் பரிதாப உயிரிழப்பு!

மட்டக்களப்பு: ஏறாவூர் பொலிஸ் பிரிவுக்குட்பட்ட பகுதியில் நேற்று வெள்ளிக்கிழமை (23) இரவு இடம்பெற்ற கோர விபத்தில் இரண்டு இளைஞர்கள் உயிரிழந்துள்ளனர். கெப்ரக வாகனமும் மோட்டார் சைக்கிளும் நேருக்கு நேர் மோதியதில் இந்த அனர்த்தம் நிகழ்ந்துள்ளது.

விபத்து நடந்தது எப்படி?

நேற்று இரவு ஏறாவூர் வீதியில் பயணித்த மோட்டார் சைக்கிள் ஒன்று தனக்கு எதிரே வந்த கெப்ரக வாகனத்துடன் எதிர்பாராத விதமாக மோதி விபத்துக்குள்ளானது. இந்த மோதலின் வீரியத்தில் மோட்டார் சைக்கிள் தூக்கி வீசப்பட்டு பலத்த சேதமடைந்தது.

விபத்தின் போது மோட்டார் சைக்கிளில் பயணித்த மூவர் பலத்த காயமடைந்த நிலையில் உடனடியாக மீட்கப்பட்டு மட்டக்களப்பு போதனா வைத்தியசாலையில் அனுமதிக்கப்பட்டனர்.

சிகிச்சை பலனின்றி உயிரிழப்பு

வைத்தியசாலையில் அனுமதிக்கப்பட்டவர்களில் மோட்டார் சைக்கிள் ஓட்டுநர் மற்றும் ஒரு பயணி சிகிச்சை பலனின்றி உயிரிழந்துள்ளதாக வைத்தியசாலை வட்டாரங்கள் தெரிவித்துள்ளன. மற்றுமொரு இளைஞர் தொடர்ந்து தீவிர சிகிச்சை பெற்று வருகிறார்.

உயிரிழந்தவர்களின் விபரம்:

வயது: 17 மற்றும் 21 வயதுடைய இளைஞர்கள்.

பிரதேசம்: மட்டக்களப்பு ஏறாவூர்-01 மற்றும் குடியரசுப் பகுதிகளைச் சேர்ந்தவர்கள்.

மன்னாரில் சுற்றுலாவிகளை கவரும் தாராபுரம் பூங்கா

கெப்ரக வாகன ஓட்டுநர் கைது

சம்பவம் தொடர்பாக வழக்குப்பதிவு செய்துள்ள ஏறாவூர் பொலிஸார் குறித்த கெப்ரக வாகனத்தின் ஓட்டுநரை உடனடியாகக் கைது செய்துள்ளனர். விபத்து நிகழ்ந்த விதம் குறித்தும் அதிவேகம் காரணமாக இந்த மோதல் இடம்பெற்றதா என்பது குறித்தும் பொலிஸார் மேலதிக விசாரணைகளை முன்னெடுத்து வருகின்றனர்.

தமிழ் வியூகம் செய்திகள்

கிழக்கு மாகாண செய்தியாளர்