புதையல் தோண்டிய நான்கு பேர் பொலிஸாரால் கைது

புதையல் தோண்டிய நான்கு பேர் பொலிஸாரால் கைது

சம்பூர்: திருகோணமலை, சம்பூர் பொலிஸ் பிரிவுக்குட்பட்ட இலக்கந்தை பகுதியில் சட்டவிரோதமான முறையில் புதையல் தோண்ட முயன்ற நான்கு சந்தேகநபர்களைப் பொலிஸார் கைகயும் மெய்யுமாக இன்று கைது செய்துள்ளனர்.

Tamilviyugam Jegan Reporting,

ராமேஸ்வரத்திற்கு சாமி தரிசனம் செய்ய சென்ற  கேரள பெண்ணுக்கு நேர்ந்த சோகம்

இரகசியத் தகவலால் முறியடிக்கப்பட்ட முயற்சி

இலக்கந்தை பிரதேசத்தில் குறிப்பிட்ட ஓரிடத்தில் புதையல் அகழ்வுப் பணிகள் நடைபெறுவதாகச் சம்பூர் பொலிஸாருக்கு இரகசியத் தகவல் கிடைத்தது. இதனையடுத்து, சம்பவ இடத்திற்கு விரைந்த பொலிஸ் குழுவினர் அப்பகுதியைச் சுற்றிவளைத்தனர்.

அப்போது, நவீன உபகரணங்களைப் பயன்படுத்தி நிலத்தைத் தோண்டிக் கொண்டிருந்த நான்கு பேரையும் பொலிஸார் மடக்கிப் பிடித்தனர்.

பழங்குடி மக்கள் வாழ்ந்த பிரதேசம்

ஆரம்பகட்ட விசாரணைகளின்படி, குறித்த இலக்கந்தை பகுதியில் பண்டைய காலத்தில் பழங்குடி மக்கள் வாழ்ந்ததற்கான அடையாளங்கள் காணப்படுவதாகத் தெரியவருகிறது. அங்கு பெருமளவிலான தங்கமும் பெறுமதிமிக்க பொருட்களும் புதைக்கப்பட்டுள்ளதாக நிலவும் நம்பிக்கையின் காரணமாகவே, சந்தேகநபர்கள் இந்த அகழ்வுப் பணியில் ஈடுபட்டுள்ளனர்.

சந்தேகநபர்கள் விபரம்

கைது செய்யப்பட்ட நான்கு நபர்களும் சம்பூர் பிரதேசத்தைச் சேர்ந்தவர்கள் என அடையாளம் காணப்பட்டுள்ளனர். இவர்களிடமிருந்து அகழ்வுப் பணிகளுக்குப் பயன்படுத்தப்பட்ட உபகரணங்களையும் பொலிஸார் கைப்பற்றியுள்ளனர்.

சம்பவம் தொடர்பில் மேலதிக விசாரணைகளைச் சம்பூர் பொலிஸார் முன்னெடுத்து வருகின்றனர். சந்தேகநபர்களை நீதிமன்றத்தில் ஆஜர்படுத்த நடவடிக்கை எடுக்கப்பட்டுள்ளது.

@tamilviyugam