மன்னார் இலவன்குளம் ஊடாக புத்தளம் செல்வதற்கு மாற்றுப் பாதை ஏற்பாடு செய்வாரா ஜனாதிபதி

TAMILVIYUGAM.COM,15/9/2026 மன்னார் – புத்தளம் பிரதான வீதியானது வடபகுதி மக்களையும் தென்பகுதியையும் இணைக்கும் மிக முக்கியமான மற்றும் வரலாற்று...

TAMILVIYUGAM.COM,15/9/2026

மன்னார் – புத்தளம் பிரதான வீதியானது வடபகுதி மக்களையும் தென்பகுதியையும் இணைக்கும் மிக முக்கியமான மற்றும் வரலாற்றுச் சிறப்புமிக்க ஒரு போக்குவரத்துப் பாதையாகும். எழுவன்குளம் மறிச்சிக்கட்டி  ஊடாகச் செல்லும் இந்த வீதி closed நிலையில் இருப்பதால், வடமாகாண மக்கள், குறிப்பாக மன்னார் மக்கள் நாள்தோறும் சந்திக்கும் சிரமங்கள் அளப்பரியவை. tamil-viyugam-news

ஜனாதிபதி அநுரகுமார திஸாநாயக்க அவர்கள் இந்த வீதியைத் திறப்பதில் விசேட கவனம் செலுத்தியுள்ள போதிலும், அதில் உள்ள சட்ட சிக்கல்கள்  இந்த விடயத்தை தாமதப்படுத்துவதாக அறிய முடிகிறது

1. எழுவன்குளம் - புத்தளம் பாதை நேரடித் தூரமும் சுற்றப்பாதையின் சுமையும

மன்னாரில் இருந்து மறிச்சிக்கட்டி மற்றும் எழுவன்குளம் ஊடாக புத்தளத்தைச் சென்றடைவதற்கான நேரடி வீதித் தூரம் வெறும் 90 கிலோமீற்றர் மட்டுமே ஆகும். ஆனால், 2018 ஆம் ஆண்டு முதல் இந்த வீதியூடான போக்குவரத்து தடை செய்யப்பட்டுள்ளதால், பொதுமக்கள் அனுராதபுரம் அல்லது ஏனைய நீண்ட மாற்றுப் பாதைகளைப் பயன்படுத்த வேண்டிய கட்டாயத்திற்குத் தள்ளப்பட்டுள்ளனர்.

8 மாத கர்ப்பிணிப் பெண்ணுக்கு நேர்ந்த சோகம் 45 நிமிடங்களில் சந்தேகநபர் கைது

சுற்றப்பாதைச் செலவு மற்றும் தூர அளவு நேரடிப் பாதை அடைக்கப்பட்டுள்ளதால் மக்கள் மேலதிகமாகப் பல கிலோமீற்றர்கள் சுற்றிச் செல்ல வேண்டியுள்ளது.

நேர விரயம்: வெறும் 90 கி.மீ பயணிக்க வேண்டிய இடத்தில், மாற்றுப் பாதைகளைப் பயன்படுத்துவதால் சுமார் 5 மணிநேரத்திற்கும் மேலாக பயண நேரம் வீணடிக்கப்படுகிறது

நிதி இழப்பு எரிபொருள் செலவு இருமடங்காக உயர்ந்துள்ளதால், பொதுமக்கள், வியாபாரிகள் கடும் நிதிச் சுமையையும் காலதாமதத்தையும் எதிர்கொள்கின்றன.

2. வனஜீவராசிகள் பாதுகாப்பு மாற்றுப் பாதைக்கான தீர்வு

வில்பத்து சரணாலயப் பகுதி ஊடாக வீதி செல்வதால் வனவிலங்குகளுக்குப் பாதிப்பு ஏற்படும் என்ற வாதத்திற்குச் சிவில் அமைப்புகள்  விளக்கமளித்துள்ளன. தென்னிலங்கையில் புத்தளத்திலிருந்து கதிர்காமம் செல்லும் வீதி மற்றும் ஏனைய சரணாலயப் பாதைகளில் எந்நேரமும் வனவிலங்குகள் நடமாட்டம் இருக்கும் போதிலும், அங்கு போக்குவரத்து அனுமதிக்கப்பட்டுள்ளது. மன்னார் - வில்பத்து வீதியில் வனவிலங்குகளின் நடமாட்டம் மிக அரிதாகவே காணப்படுகிறது.

ஆயினும், சுற்றுச்சூழல் மற்றும் வனவிலங்கு பாதுகாப்பை உறுதி செய்ய பின்வரும் சுற்றுச்சூழல் நட்புப் பொறியியல் தீர்வை (Eco-friendly Design) முன்னெடுக்க முடியும்

VIDEO

அடைக்கப்பட்ட பகுதிக்கான மாற்றுப் பாதை மன்னாரிலிருந்து செல்லும்போது எந்த குறிப்பிட்ட வனப்பகுதியில் வனஜீவராசிகளுக்குப் பாதிப்பு அல்லது அச்சுறுத்தல் ஏற்பட வாய்ப்புள்ளதாகக் கண்டறியப்படுகிறதோ, அவ்விடத்தில் மட்டும் மாற்றுப் பாதையை (Bypass) உருவாக்குதல் அல்லது உயர்த்தப்பட்ட மேம்பாலங்களை (Elevated Eco-bridges / Flyovers) அமைத்தல்.

இதன் மூலம் வனவிலங்குகளின் இயற்கையான வாழ்விடமும் பாதுகாப்பக்கப்படுவதோடு, மக்களின் போக்குவரத்தும் தடையின்றி நிகழும்.

3. வீதி திறப்பினால் ஏற்படும் பொருளாதார நன்மைகள்

இந்த பிரதான வீதி மீண்டும் புனரமைக்கப்பட்டு திறக்கப்பட்டால், வட பிராந்தியத்தின் பொருளாதாரத்தில் புதிய மறுமலர்ச்சி ஏற்படும்:

வர்த்தக இணைப்பு  மன்னார்  மீன்பிடி, விவசாய உற்பத்திகளைத் தென்பகுதிச் சந்தைகளுக்கு மிக விரைவாகவும் குறைந்த செலவிலும் கொண்டு செல்ல முடியும்.

சுற்றுலாத் துறை வளர்ச்சி மன்னார் வளைகுடா, வரலாற்றுச் சிறப்புமிக்க திருக்கேதீஸ்வரம் மற்றும் மன்னார் கோட்டை போன்ற இடங்களுக்குத் தென்பகுதிச் சுற்றுலாப் பயணிகள் எளிதாக வந்து செல்ல வழிவகுக்கும்.

பிராந்திய மேம்பாடு வடக்கையும் தெற்கையும் இணைக்கும் மிகக் குறுகிய பாதையாக இது அமைவதால், இரு பிராந்தியங்களுக்கும் இடையிலான வர்த்தக மற்றும் சமூக உறவுகள் வலுப்பெறும்.

அதிகாரிகளின் முட்டுக்கட்டைகளை நீக்கி, சுற்றாடல் அமைப்பின் வழிகாட்டல்களுக்கு அமைவாக இந்த வீதியை விரைவாகத் திறந்து தருமாறு வடபகுதி மக்கள் ஜனாதிபதியிடம் கோரிக்கை விடுக்கின்றனர்.

@tamilviyugam