இலட்சக்கணக்கான அபிவிருத்தி உத்தியோகத்தர்கள் வீதியில் இறங்குகிறார்கள் அரசின் நிலைப்பாடு என்ன?

TAMILVIYUGAM.COM EDITIRIAL, 29/08/2026, 150,000 அபிவிருத்தி உத்தியோகத்தர்கள் வீதியில் இறங்குகிறார்கள்: ஆகஸ்ட் 31 முதல் தேசிய எதிர்ப்பு வாரம்...

TAMILVIYUGAM.COM EDITIRIAL, 29/08/2026,

150,000 அபிவிருத்தி உத்தியோகத்தர்கள் வீதியில் இறங்குகிறார்கள்: ஆகஸ்ட் 31 முதல் தேசிய எதிர்ப்பு வாரம் பிரகடனம்

கொழும்பு: இலங்கை அரச சேவை மற்றும் மாகாண அரச சேவையில் பணியாற்றும் சுமார் 1,50,000 அபிவிருத்தி உத்தியோகத்தர்கள் எதிர்கொள்ளும் 3 தசாப்த கால (30 ஆண்டுகள்) tamil viyugamபிரச்சினைகளுக்குத் தீர்வு காணக் கோரி, பாரிய போராட்ட நடவடிக்கைகளுக்கு அரச மற்றும் மாகாண அரச சேவை அபிவிருத்தி உத்தியோகத்தர் தொழிற்சங்க கூட்டணி அழைப்பு விடுத்துள்ளது.

பட்டதாரி அபிவிருத்தி உத்தியோகத்தர்கள் எதிர்கொள்ளும் தொழிற்சார் பிரச்சினைகளுக்கு அரசாங்கம் தொடர்ந்தும் தீர்வு வழங்கத் தவறினால் மௌனமாக இருக்க முடியாது எனத் தெரிவித்துள்ள கூட்டணி, 2026 ஆகஸ்ட் 31 முதல் செப்டம்பர் 4 ஆம் திகதி வரை தேசிய எதிர்ப்பு வாரம் 2026  பிரகடனப்படுத்தப்பட்டுள்ளதாக அறிவித்துள்ளது.

ஆகஸ்ட் 31 நண்பகல் பாரிய [தொழிற்சங்க போராட்டம்]

இதன் முதற்கட்டமாக, ஆகஸ்ட் 31 ஆம் திகதி மதியபோசன வேளையின் போது அனைத்து நிறுவனங்களுக்கும் முன்னால் எதிர்ப்பு நடவடிக்கைகளில் ஈடுபட தீர்மானிக்கப்பட்டுள்ளது. இப்போராட்டத்திற்கு நாட்டின் அனைத்து அபிவிருத்தி உத்தியோகத்தர்களையும் அனிதிரளுமாறு தொழிற்சங்க கூட்டணி கோரிக்கை விடுத்துள்ளது.

3 தசாப்த கால பிரச்சினைக்குத் தீர்வு: சேவைப் பிரமாணக் குறிப்பு வரைவு

கடந்த 2026 மார்ச் 26 அன்று கொழும்பு பொது நூலகத்தில் நடத்தப்பட்ட விசேட மாநாட்டில், உத்தியோகத்தர்களின் எதிர்காலத்தை தீர்மானிக்கும் இரண்டு முக்கிய [சேவைப் பிரமாணக் குறிப்பு] (Service Minute) வரைவுகள் வெளியிடப்பட்டன:

மன்னார் பொது வைத்தியசாலையின் நீண்டகால மருத்துவர் பற்றாக்குறைக்கு தீர்வு

1. இலங்கை அபிவிருத்தி சேவை (SLDS) - பிரமாணக் குறிப்பு வரைவு

2. [இலங்கை பொருளாதார அபிவிருத்தி உத்தியோகத்தர் சேவை] (SLEDOS) - பிரமாணக் குறிப்பு வரைவு

அபிவிருத்தி உத்தியோகத்தர்களின் முக்கிய கோரிக்கைகள் மற்றும் அம்சங்கள்:

1. இலங்கை அபிவிருத்தி சேவை - SLDS கோரிக்கைகள்:

• பதவி நிலைகள்: இணை சேவைப் பிரிவுக்குப் பதிலாக பட்டப்படிப்பு கல்வி மட்டத்திற்குப் பொருத்தமான இரண்டாம் நிலை (Secondary), மூன்றாம் நிலை (Tertiary), நிறைவேற்று (Executive) மற்றும் சிரேஷ்ட நிறைவேற்று (Senior Executive) [பதவி உயர்வு] நிலைகளை உருவாக்குதல்.

• விசேட தரம் (Special Grade): ஏனைய சேவைகளின் உத்தியோகத்தர்களைப் போன்றே [அபிவிருத்தி சேவை உத்தியோகத்தர்கள்] அனைவருக்கும் விசேட தரம் வழங்குதல்.

• பதவி உயர்வு & பயிற்சி: தரங்களுக்கிடையேயான [பதவி உயர்வு காலம்] 5 வருடங்கள் ஆக்குதல் மற்றும் பயிற்சிக் காலத்தை வழக்கமான சேவைக் காலத்தோடு சேர்த்தல்.

• அபிவிருத்தி உத்தியோகத்தர் சம்பள உயர்வு]: பட்டப்படிப்பு கல்வி மட்டத்திற்குப் பொருத்தமாக, புதிய சம்பளக் குறியீடு ரூபா 66,880/- இல் இருந்து ஆரம்பமாகும் நியாயமான சம்பள அளவுகோலை நிர்ணயித்தல்.

• நிர்வாக & இடமாற்ற உரிமை: கல்வி மற்றும் திறமைக்கு ஏற்ப நிர்வாக மட்டம் வரை முன்னேறிச் செல்லக்கூடிய பதவி உயர்வு முறைமை, அறிவியல் பூர்வமான இடமாற்றக் கொள்கை மற்றும் ஆட்சேர்ப்பு முறைமை.

  

2. பொருளாதார அபிவிருத்தி உத்தியோகத்தர் சேவை - SLEDOS கோரிக்கைகள்:

• சுயாதீன கடமைப் பட்டியல்: 14,000 கிராம சேவகர் பிரிவுகளுக்கும் இணைக்கப்பட்டு அபிவிருத்திப் பணிகளை மேற்கொள்ளும் 30,000 பிளஸ் சமூக வலுவூட்டல் உத்தியோகத்தர்கள் பிரிவினருக்குத் தனித்துவமான கடமைப் பட்டியலை உருவாக்குதல்.

• பதவி உயர்வுப் பாதை: உதவி செயலாளர் / உதவி பணிப்பாளர் பொருளாதார அபிவிருத்தி, பிரதிப் பணிப்பாளர், பணிப்பாளர், சிரேஷ்ட உதவிச் செயலாளர், மேலதிக செயலாளர், செயலாளர் வரை செல்லக்கூடிய தெளிவான பதவி உயர்வு] முறைமை.

• அரசியல் தலையீடற்ற சூழல்: பிரதேச அரசியல் அதிகாரிகளின் தண்டவாளத்திற்குள் சிக்குப்படாத சுதந்திரமான உத்தியோகபூர்வ சூழல் மற்றும் அரசியல் மாற்றங்களுக்கு ஏற்ப மாறாத தனித்துவமான பதவிப் பெயர் & அமைச்சுகளின் விடயப் பரப்பு.

• கொடுப்பனவுகள் & நிதியொதுக்கீடு: ஆற்றும் சேவைகளுக்கு ஏற்றவாறு பயணச் செலவுகள், தொடர்பாடல் மற்றும் அலுவலகக் கொடுப்பனவுகளை வழங்குதல். அபிவிருத்தி திட்டங்கள் நிர்வாகச் செலவுகளிலிருந்து நியாயமான பங்கைப் பகிர்ந்தளித்தல்.

அரசாங்கத்திற்கும் மனித உரிமைகள் ஆணைக்குழுவிற்கும் சமர்ப்பிப்பு

இந்த வரைவுகள் ஏற்கனவே ஜனாதிபதி, பிரதமர், அரச நிர்வாக அமைச்சர் உள்ளிட்ட அரசாங்கப் பிரதிநிதிகளுக்கும், எதிர்க்கட்சித் தலைவருக்கும் கையளிக்கப்பட்டுள்ளது. மேலும் அரச நிர்வாக, மாகாண சபைகள், உள்ளூராட்சி அமைச்சு, கிராமிய அபிவிருத்தி மற்றும் சமூகப் பாதுகாப்பு அமைச்சு ஆகியவற்றின் செயலாளர்களுக்கும், மதத் தலைவர்களுக்கும் வழங்கப்பட்டுள்ளது.

அபிவிருத்தி உத்தியோகத்தர்களுக்கு இழைக்கப்பட்டுள்ள அநீதிக்கு எதிராக இலங்கை மனித உரிமைகள் ஆணைக்குழு விலும் உத்தியோகபூர்வமாக முறைப்பாடு செய்யப்பட்டுள்ளது.

போராட்டத்தில் ஒன்றிணைந்துள்ள தொழிற்சங்கங்கள்

அகில இலங்கை பொருளாதார அபிவிருத்தி உத்தியோகத்தர்கள் சங்கம், அரச அபிவிருத்தி உத்தியோகத்தர் சங்கம், சுகாதார அபிவிருத்தி உத்தியோகத்தர் சங்கம், பட்டதாரி அபிவிருத்தி உத்தியோகத்தர் சங்கம், வடக்கு மற்றும் கிழக்கு மாகாண அபிவிருத்தி உத்தியோகத்தர் சங்கங்கள் உட்பட அனைத்து முன்னணி அரச சேவை தொழிற்சங்கங்கள் இந்த கூட்டுப் போராட்டத்தில் கைகோர்த்துள்ளன.

@tamilviyugam